源頭判斷
邊隻動物帶入嚟？寵物、流浪動物出入位、雀/鼠匿藏點逐個排查。檢查HK$350，落單全數扣減。
［ 相片：跳蚤 ］
跳蚤同床蝨最大分別：床蝨為咗人嚟，跳蚤為咗動物嚟。家居跳蚤個案，源頭幾乎一定係動物——自己隻貓狗、樓下流浪貓出入嘅樓梯口、天台雀竇、或者天花鼠患。而你見到嘅成蟲只係冰山一角：卵、幼蟲同蛹匿咗喺地氈、梳化縫、寵物床同地板罅入面，蛹仲要係出名難殺、可以潛伏一排先破殼。所以滅跳蚤係「人、畜、環境」三邊一齊做嘅工序——漏咗任何一邊，好快打回原形。
常見徵狀
- 腳踝、小腿一組組細紅點，痕（同床蝨嘅成排咬痕唔同——分唔清可以睇我哋嘅咬痕分辨指南）
- 寵物狂抓狂咬毛、皮膚紅
- 著住白襪企喺地氈上，見到有黑點跳上襪度
- 屋企附近多流浪貓／啱啱處理完鼠患
- 咬痕反應因人而異，持續或嚴重請諮詢醫生
我哋點做
同步驅蚤
有寵物嘅話，獸醫驅蚤療程要同環境處理同一時段做——只做一邊，另一邊即刻補位。
環境深度處理
深度吸塵（吸走卵/幼蟲/刺激蛹破殼）＋針對性施藥，重點：地氈、梳化縫、寵物活動範圍、地板罅。
跟進第二次
蛹期抗藥，單次處理好難全清；我哋按週期安排跟進，保養期內翻發免費。
價錢
跳蚤處理按現場報價——養唔養寵物、有冇地氈、範圍幾大，工序差異太大，開個「起」價反而誤導。市場參考：有大型滅蟲公司公開跳蚤服務HK$1,800起（2026年7月覆核）。Averta 上門檢查HK$350，落單全數扣減，檢查完逐項報價。
懷疑有跳蚤？講低有冇養寵物＋影低咬痕或黑點位，WhatsApp 傳畀我哋，即日覆你
常見問題
屋企冇養寵物，點解會有跳蚤？
冇寵物唔等於冇動物。常見源頭：樓梯口流浪貓、天台雀竇、天花或假天花嘅鼠患、甚至上手租客隻寵物留低嘅卵同蛹。檢查嗰陣我哋會逐個可能性排查。
跳蚤咬同床蝨咬點分？
大方向：跳蚤咬多數喺腳踝小腿低位、一組組；床蝨咬多數成排、喺瞓覺時貼床嘅位置。反應因人而異，嚴重或持續請睇醫生；想搵實據，最穩陣係檢查環境——詳細可以睇我哋嘅咬痕分辨指南。
自己買跳蚤藥噴得唔得？
成蟲殺到，卵同蛹好難：蛹殼抗藥，噴完等佢破殼又一批。加上如果源頭（寵物/流浪動物出入位）冇處理，環境幾乾淨都會再帶入嚟。深度吸塵你自己一定要做——呢樣係DIY最有價值嘅一步。