白紋伊蚊點分辨？香港常見嘅黑白斑紋蚊

點樣分辨白紋伊蚊？

• 顏色：全身黑色，胸背中央有一條明顯嘅白色縱紋——呢個係最主要嘅識別特徵。
• 腳：黑白相間，有明顯白色環紋。
• 出沒時間：主要日頭活動，尤其係早上同黃昏，同夜晚出沒嘅家蚊唔同。
• 體型細細隻，飛行相對安靜，叮人多數喺腳踝、小腿位置。

喺香港邊度會滋生？

白紋伊蚊滋生唔需要大範圍積水，一個蓋樽蓋咁大嘅積水都可以孵到幼蟲：

• 花盆底碟、花瓶積水
• 冷氣機底盤、簷篷積水
• 天台、後巷嘅廢輪胎、廢容器
• 喉管接口積水、去水位淤塞
• 村屋、天台屋嘅蓄水缸、水桶冇加蓋

點解要理？

白紋伊蚊係香港傳播登革熱嘅主要病媒蚊之一，詳情同最新情況可以睇衞生防護中心資料。除咗健康考慮，佢哋日頭活動嘅特性令戶外活動、天台、後花園都容易被叮，對住宅同商戶嘅使用體驗都有影響。

淨係噴殺蟲水殺蚊得唔得？

噴殺成蚊只可以處理當下見到嗰批，但白紋伊蚊繁殖週期短，只要積水位仲喺度，好快又會有新一批孵出嚟。真正有效嘅做法係源頭滅蚊——逐個檢查花盆碟、冷氣底盤、天台積水位，清走或者加蓋，先配合滯留噴殺處理成蚊棲息位置。想知詳情，可以睇蚊患防治服務。

點防止翻嚟？

• 每星期check一次花盆底碟、冷氣機底盤，倒走積水
• 天台、後巷嘅廢容器、廢輪胎清走或加蓋
• 水桶、蓄水缸加蓋，防止蚊入去產卵
• 喉管去水位定期清理，避免淤塞積水